Pages

ტილაპია კრევეტებით, სოუსში


თევზის ფილე – 4 ცალი, ანუ 2 ტილაპია;

კრევეტები, დარჩეული – 15 ცალი;

კარაქი – 50 გრ;

ზეითუნის ზეთი – 1 სადილის კოვზი;

ლაიმი - 1 ცალი.

კამა – 2-3 ტოტი, სურვილისამებრ.

მასალა სოუსისათვის -

თეთრი ღვინო – 100 მლ.ლ;

არაჟანი ან ნაღები – 100 გრ;

ლაიმი – ½ წვენი;

ჯანჯაფილი – 1 სმ სიგრძის;

ნიორი – 1 კბილი;

კარაქი – 50 გრ;

თევზის სოუსი – 1 სადილის კოვზი (ჩაანაცვლეთ მარილით, გემოვნებით);



ინვენტარი – 1 ტაფა; ასევე ჭურჭელი ღუმელში შესადგმელად.

მომზადების დრო: 30 წუთი.

გაახურეთ ტაფა და დადევით კარაქი და ზეთი, როგორც გადნება დააწყვეთ საშუალო ზომის ნაჭრებად დაჭრილი თევზიც. მოასხით ნახევარი ლაიმის წვენი.შებრაწეთ ორივე მხრიდან, მაგრამ ტაფაზე დიდხანს არ გააჩეროთ, გამოშრება და გამაგრდება. 3-3 წუთი თითო მხრიდან საკმარისია. შემწვარი თევზი გადაიტანეთ თეფშზე;ამავე ტაფაზე დააწყვეთ კრევეტებიც და მოასხით ლაიმის წვენი,როგორც კი ერთი მხარე შეუვარდისფერდება – გადააბრუნეთ. მეორე მხრიდანაც შეწითლდება და გადმოიღეთ. საჭიროა მაქსიმუმ 3 წუთი;ამავე ტაფაზე მოამზადეთ სოუსიც. თუ თევზისგან ტაფას ნადები გაუჩნდა – ქაღალდის ხელსახოცით მოწმინდეთ და შემდეგ დადევით სოუსითვის განკუთვნილი კარაქი. მუქმა ნადებმა რომ არ "გააფუჭოს" სოუსი ვიზუალურად;

მაშინვე დაყარეთ წვრილად დაჭრილი ჯანჯაფილი და ნიორი;

ერთი-ორი მორევის შემდეგ დაასხით ღვინო და ასევე 1 წუთში დაამატეთ არაჟანი, ლაიმის წვენი და თევზის სოუსიც;

ურიეთ, თან დაბალ ცეცხლზე გქონდეთ, 3-4 წუთში გაწურეთ საწურზე, რომ მხოლოდ წვენი დარჩეს;

ღუმელში შესადგმელ თუჯის ან თიხის ტაფაში (თუჯი ჯობია) ჩააწყვეთ შემწვარი თევზის ფილე და კრევეტები, მოასხით სოუსი და შედგით წინასწარ გახურებულ ღუმელში 150 გრადუსზე 5 წუთით.

მზა კერძს მოაყარეთ წვრილად დაჭრილი კამა.ეს კერძი მოვამზადე ახალ კარტოფილთან და მწვანე სალათასთან ერთად.

თუ კალორიებს უფრთხით, მაშინ სოუსის გარეშე მიირთვით, სხვებს კი სოუსით გაუმასპინძლდით;

http://perfectcook.org/index.php?option=com_rapidrecipe&page=viewrecipe&Itemid=55&recipe_id=1061 ტილაპია მჟავე კიტრის წვენით

ღუმელში მომზადებული თევზი ლიმნით http://perfectcook.org/index.php?option=com_rapidrecipe&page=viewrecipe&Itemid=55&recipe_id=864

წყარო  ბეჭდვა


თევზეული

მომხმარებელი

სახელი პაროლი
  გამოსვლა

კატეგორიები

AgroKavkaz

Gia Kakabadze