კულინარიული

ცომისთვის:

400გრ.ფქვილი

200გრ.ცივი მარგარინი ან კარაქი

4-5ს.კ.მაწონი ან არაჟანი

0,5ჩ.კ.მარილი

1 ცალი კვერცხი

გულსართისთვის:

მოზრდილი კალმახი(ან თევზის ფილე)

200გრ.სულგუნი

1 ცალი პამიდორი

ლიმონი

რამოდენიმე ნაჭერი კარაქი(სურვილის მიხედვით და თუ თევზი უცხიმოა)

მაიონეზის და აჯიკის ნარევი თევზის გარშემო წასასმელად.

ფქვილი გავცრათ+მარილი.

ცივი კარაქი დავჭრათ კუბიკებად.

კვერხი გავთქვიფოთ და ცივ მაწონს შევურიოთ.

ფქვილზე დავყაროთ კარაქის ნაჭრები და დანით დავკეპოთ მარცვლოვან მასამდე(არაა აუცილებელი ერთგვაროვანი კროშკის მიღება).შევაკეპოთ მაწვნის+კვერცხის მასა.მთავარია შეერთდეს მასა და გადავიტანოთ პარკში,აქ უკვე ხელით მივცეთ ცოტა მომრგვალო ფორმა.შევდგათ მაცივარში დასასვენებლად 30 წუთით.(ასე ცომის წინასწარ მომზადება შეიძლება და 2 დღით მაცივარში შენახვა).

თევზსს გადავუსვათ მარილი+პილპილი და მაიონეზ+აჯიკის მასა.

გულში ჩავუდოთ ყველის ნაჭრები,პამიდვრის და ლიმონის თხელი რგოლები.

ცომი გავყოთ ორად.

ერთი გაშლილი ნაჭერი გადავიტანოთ თუნუქის ფურცელზე ,მოვაყაროთ საფანელი(სუხარი)თუ გვაქვს...დავადოთ თევზი.

მეორე ცომის ნაჭერი გავშალოთ და გამოვჭრათ რგოლები(ფარფლები).

1 ცალი კვერცხი გავტეხოთ ,გავყოთ ცილაზე და გულზე.

ცილის მასა გადავუსვათ რგოლის უკანა მხარეს და ისე ავაწყოთ თევზის ზედაპირი(ერთმანეთზე გადავდოთ,ფარფლების ეფეკტის მისაღებად).ბოლოს თავთან გამოვჭრათ ცომის ნაჭერი,მივცეთ თევზის თავის ფორმა,დავადოთ თვალი :) და მთლიან თევზსს გადავუსვათ კვერცხის გული+1ჩ.კ.რძე.

გამოვაცხოთ 170გრადუსზე შეწითლებამდე :)
დამატებითი ინფორმაცია
მივირთვათ ნებისმიერ სოუსთან ერთად.

წყარო  ბეჭდვა