Pages

panna cotta ყავიანი კარამელით


-

panna cotta ყავიანი კარამელით Directions

ინგრედიენტები
  • 800 გრამი ნაღები
  • 150 გრამი რძე
  • 160 გრამი შაქარი
  • 12 გრამი ჟელატინის ფურცლები
  • 65 გრამი რომი
  • ვანილი

ყავიანი კარამელისათვის:

  • 125 გრამი შაქარი
  • 80 გრამი მოდუღებული ყავა ესპრესო
  • შოკოლლადი თავზე მოასაყრელად

მომზადების წესი

რძე და 150 გრამი ნაღები მოათავსოთ ქვაბში + ვანილი. საშუალო ცეცხლზე ავადუღოთ. შემდეგ გადმოვდგათ და დავუმატოთ შაქარი. მოვურიოთ რომ გაიხნას (ან ავადუღოთ შაქრიანად )

ამ ცხელსვე დავუმატოთ ცივ წყალში დამბალი და მერე კარგად გაწურული ჟელატინის ფურცლები . (წყალი იმდენი რომ ჟელატინის ფურცლები დაფაროს ), მაგრამ თუ კი გვაქვს ისეთი ჟელატინი ფხვნილივით რომ არის, მაშინ თავიდანვე დავამატოთ რძე+ ნაღებს, ოღონდ არ უნდა ადუღდეს მხოლოდ მივიყვანოთ ადუღებამდე . არის კიდე სხვანაირი ჟელატინიც, აი პატარა ბურთებივით ყრია შიგნით, ამ სახისას თუ გამოიყენებთ ამას დალბობა უნდა და ასე გააკეთეთ: ჟელატინი საერთოდ იწოვს 50 % წყალს, მაგალითად 10 გრამს უნდა დაასხათ 50 გრამი წყალი (ცივი) ამ შემთხვევაში 12 გრამზე უკვე 60 გრამი წყალი დასჭირდება (ცივი) ვაცადოთ რომ დალბეს, სრულიად შეიწოვოს წყალი და მერე ვუქენათ რძიან ნაღებიან მასას. ამას რათქმა უდნა აღარ უნდა გაწურვა. ჟელატინის დოზა დაიცავით მკაცრად. რადგან მეტი თუ მოვიდა მასა სიფაფუკეს დაკარგავს და პუდინგს დაემსგავსება.

რძიან ნაღებიან მასას რომ უზამთ შაქარსა და ჟელატინს, დაამატეთ დარჩენილი ნაღები. ბოლოს მატება რომი. ამ ნაღებს იმიტომ მოიტოვებთ რომ ცხელი მასის ტემპერატურა დაწიოს დაბლა.

საერთოდ ჭიქებში ცხელის მოთავსება არ არის კარგი ზემოდან \'\' კანს იკეთებს\'\' მორჩენილ ცივ ნაღებს რომ დაამატებთ უკვე ტემპერატურა დაბლა წავა .

ნაწილის გაცხელება აუცილებელია, რადგან შაქარი უნდა გაიხსნას და ჟელატინიც მხოლოდ ცხელზე რეაგირებს.

ყავიანი კარამელის მომზადება:

სქელ ძირიანი ქვაბი დავდგათ ცეცხლზე . ისე რომ ცეცხლის ალი ქვაბის გარედან არ გამოდიოდეს . დავაყაროთ შაქარი პორციებად . პირველი პორცია სანამ სითხედ არ გადაიქცევა არ მოურიოთ. შემდეგ მეორე პორცია დააყარეთ და მოურიეთ ხის კოვზით. შაქრის მთლიანი პორცია რომ კარამელირდება დაუმატეთ ცხელი ყავა. ამ დროს ფრთხილად ორთქლი ამოვარდება და ხელები არ დაიწვათ. ყავა უნდა იყოს ცხელი . რადგან კარამელის ტემპერატურა არის 180 გრადუსი და ცივი მასის დასხმა მის დაკრისტალებას გამოიწვევს.და ეს კრისტალები აღარ გაიხსენბა მერე . ყავის დასხმის მერე იგრძნობთ რომ \'\'რაღაც ედება\'\' კოვზს (ხის კოვზი აუცილებლად) მაგრამ ეს ბლანტი მასა მორევისთანავე დაიწყებს გაქრობას. ადუღეთ რამოდენიმე წუთი და მერე გადაიტანეთ მინის ჯამში. აცალეთ რომ ტემპერატურა ცოტა დაბლა წავიდეს და მერე მოათავსეთ ჭიქის ფსკერზე. ცოტახანი შედეთ მაცივარში რომ გამაგრდეს და ნაღებიანი მასის დამატებისას ერთმანეთში არ აირიოს . შემდეგ დაამატეთ ნაღებიანი მასა და შედეთ მაცივარში გასაციებლად. თუ მაინც მოხდა კარამელისა და ნაღების შერევა არ შეგეშინდეთ მაცივარში კარამელი დაბლა წავა . გამოეყოფა ნაღებს თავისი წონიდან გამომდინარე.უკვე მზას მოაყარეთ შოკოლადი. ჭიქებში მოთავსებისას ეცადეთ სუფთად ჩაასხათ. ისე რომ გვერდები არ დაისვაროს.

pannacotta1

წყარო  ბეჭდვა


დესერტები

მომხმარებელი

სახელი პაროლი
  გამოსვლა

კატეგორიები

AgroKavkaz

Gia Kakabadze